بانوراما طرطوس- راما عباس:

_ إذا الأبريق مو غليان موطيبة المتة.. صبوا.. قربيلي كاستك إعتدال.. إتسلوا دوقولي هل بزرات طيبات كتير من عند دكان راغب..

_ فرجي لشوف.. فعلا” أنا جبت نفسن مبارح من عندو.. شهر الماضي بزراتو كانوا مابينداقو..

_ الله يجعلا أكبر المصايب.. يلا لاتقولوا غير إجت المدرسة باقي كام يوم.. مبارح نزلت جبت أغراض لهل صبي.. ولله البنطال جبتو ب5000 ليرة..

_ متحكي جد..!! الله يصلحك لهل عملة لوإنك سألتيني كنا رحنا لعند أبو سمير.. عندو كلشي أرخص، ميقولوا البنطال نفسو هادا ب3000 ليرة..

_ والله هيك صار رحنا عل سوق.. ماكنت بعرف.. بسيطة..

_ كلشي غالي تخيلوا إذا شقفة محاية حقها 100 ليرة.. لاااا هل سنة ممنوع الأغلاط شوماشغلتو غير يمحي..

_ ههههه.. شر البلية مايضحك.. لك وينا إزدهار إلها يومين مو مبينة..!؟

_ ليش مادريتوا..؟!! حردانة عند أهلا.. أخدت بنتا وراحت..

_ له له له.. شو هل حكي..!! ولله ماسمعنا شي، شوالسبب؟؟

_ متناقرة مع حماتها.. كانت أصواتهن واصلة لعندنا علبيت.. وشفتا وهية رايحة، حاولت روقها شوي.. ماسمعت مني وراحت..

_ أوووف… الله يساعدا زعلتينا عليا ولله..

_ شو هادا يادلال بهل كيس معك كنت بدي إسألك ونسيت..

_ ولله رحت بكير جبت كوسا.. بدي إطبخ محاشي.. وإنتو شوبدكن تطبخوا عل غدا..

_ ولله مامنعرف… لساماقررنا كلشي غالي.. شي بيحير.. لنشوف… 

(وتستمر الحياة..)