حلمي الصغير…لاتسألني عنو ..

هوي نسمة عابرة ع غصون الشجر..

هوي شمس المغيب هوي سحر القمر…

حتى إنو غافي ع سطح بيتك وساكن بكل حجر..

وبيشرد يدور عليك..عم إحلم بليلة سمر..

شوف الدني كيف بيبرم دولابها شوف القدر..

إنت الغريب من الناس تجبر هل القلب اللي إنكسر..

شو نفعها أيام العمر عم تهطل متل حب المطر..

متل الشجر لوح خريف وبيتناثرو اوراق الشجر…

وهل قلب جواتو حزن داريتو قدام البشر…

غاب الفرح ضيع مكانو والحب من عمري عبر…

عم إكتب دموعي برسالة ع طرحة من نور القمر..

والطرحة وسعك يادني والدمع من عيني مطر..

رح إكتب شو جارح لي روحي وشو محسسني بالقهر..

خلي الدني تبلسم جروحي تداويلي سنين العمر…

لو ترسم النجمة طريقي بسافر وبقضي أيامي سفر..

بس النجم ضيع طريقو وضاع بصفحات القدر..

وبيبقى الحلم غافي ع تلة عم يحلم بلحظة سفر…