شاب من احدى الدول العربية ذهب للدراسة في فرنسا والأرجح لدراسة الطب في احدى جامعاتها… تعرف الشاب هناك على فتاة وتزوجها ( زواج مدني ) وبعد فترة قرر أن يعود إلى بلده …وصل الشاب والزوجة إلى بيت والده ( الحجي) انتفض ( أبو محمود .. أبو مصطفى..الخ) عندما رأى الفتاة ( تفريع وتقصير وآخر موضة ) قال مين يلي معك ؟! قلو: زوجتي…قلو هي مسلمة ؟ لأ…يعني أنت متزوج كافرة ؟! .. يابا…ولاكلمة لن تقف دقيقة واحدة في بيتي!….طول بالك ” يابا” أطول بالي ، بدك يقولوا : الحجي استقبل كافرة في بيته….وابن الحجي تزوج بكافرة…وفي المستقبل يقولوا عن أحفادي أولاد الكافرة !…قلو الأبن : طيب متل مابدك ” بس خليها كم يوم حتى أجهزلها الأوراق لتعود ” ..غاب الأبن وبقيت ( الكافرة ) والأرجح أنها ” ممرضة ” اليوم تقيس ضغط الحجي ..الضغط مرتفع لازم نبتعد عن المقالي والملح …بعدها تقيس سكر الدم .. مساج من هون وتدليك من هون ..انتعش الحجي وزهزه وتحسن مزاجه وأصبح أكثر استرخاء….بعد كم يوم رجع ابنه ..اي ” يابا ” كيف الكافرة ! قلو: “و الله يابني موهي الكافرة … أمك هي الكافرة “….ههههههه