بانوراما طرطوس:
وصلتنا هذه الشكوى بخصوص تراكم القمامة في قطاع بلدية السودا:
(في بلدة بريف طرطوس..اسمها السوداتبعد عن مدينة طرطوس حوالي 15كم
هالبلدة اداريا ناحية..وفيها بلدية وعين الله عليها”هيك عأساس” والبلدية من ضمن اعملها ترحيل القمامة..إلا بلدية السودا وتحديداً المنطقة بين السودا وزمرين..وبالأخص على مفرق الشماميس بيجي عمال البلدية بيشيلو كام كيس ومع السلامة.
والكلاب الشاردة بتتكفل بالباقي..ونحنا منتمتع بالروائح وقرص الناموس واسراب الذباب اللي بتزين بيوتنا..
ياسيادة رئيس البلدية..
وقت اللي بدك تعمل جولة ادا كنت عم تطلع جولات اصلاً اطلع بالنهار وشيل النضارات عن عيونك ونزل بللور سيارتك منشان تتعطر بهالروائح..
عيب وبس عيب..
بالانتخابات بتدورو عالناس وعالضيع..وبدكن بس العالم تنتخبكن.
وبس وصلتو بتصيرو متل وزرا الحكومة تبعنا..بدكن واسطة من عندالله تتردوا أو تشتغلو شغل هو بالأصل من صلب عملكن وتضربو الناس فيه ألف منية..وك حاج كذب فلقتونا..).